TENERIFE

Tenerife , 22 - 26 Mars 2026
=================
5 dite fillon nga 850 euro personi

Fluturimi Tiranë – Tenerife Sud
Nisja nga Tirana Airport (TIA) – 12:35. Mbërritja ne Tenerife Sud ne 17.00 .

Fluturimi Tenerife Sud – Tiranë
Nisja nga Tenerife – 19:05. Mbërritja në Shqipëri 01:25.

Hotelet per kete udhetim:
Be Live Experience Orotava (4 netë)

Dita 1: 22 Mars – Mbërritja në Tenerife

Mbërritje në Aeroportin Ndërkombëtar “Reina Sofía” (Tenerife Jug).
Transferta me autobuz drejt Puerto de la Cruz, qytet simpatik dhe një nga qendrat më të njohura turistike të ishullit.
Ky qytet ndodhet në bregun verior dhe është i njohur për kopshtet tropikale, arkitekturën tradicionale kanariane dhe atmosferën plot jetë.
Pas mbërritjes, akomodim në hotel, Darka he kohë e lirë për t’u çlodhur pas udhëtimit.
Në mbrëmje, mundësi për të bërë një shëtitje përgjatë bulevardit detar, për të shijuar atmosferën tipike kanariane dhe për të provuar kuzhinën lokale në një nga restorantet e qytetit.

Dita 2: 23 Mars – Parku Kombëtar i Teide & La Orotava

Pas mëngjesit në hotel, nisja për një nga ditët më të paharrueshme të udhëtimit.
Ekskursioni fillon me një udhëtim panoramik drejt zemrës së ishullit – Parku Kombëtar i Teide-s, një mrekulli natyrore që magjeps çdo vizitor. Pamjet ndryshojnë gradualisht nga fshatra të gjelbër me banane e vreshta, në peizazhe hënore të formuara nga lava e vjetër vullkanike.
Nga pika të ndryshme panoramike do të mund të shijoni pamje mahnitëse që shpesh shkojnë deri në re, dhe në ditët e kthjellëta mund të shihen ishujt fqinj si La Palma dhe La Gomera.
Për ata që dëshirojnë, mundësi opsionale për të marrë teleferikun që ngjitet afër majës – një përvojë që të lë pa frymë (shtesë 42 € / person, minimum 10 persona, në varësi të motit dhe disponueshmërisë).
Pasdite, udhëtimi vazhdon drejt qytetit La Orotava, një nga më të bukurit e Tenerife-s. La Orotava është i famshëm për shtëpitë tradicionale me ballkone druri, rrugicat e ngushta me kalldrëm dhe kopshtet e harlisura.
Vizitë e qendrës historike dhe kohë e lirë për kafe apo suvenirë lokalë.
Kthim ne Hotel dhe Darka

Dita 3: 24 Mars – Icod de los Vinos, Garachico & Masca

Dita e sotme do te fillojë me një udhetim panoramik të bregut veriperëndimor të ishullit, një nga zonat më piktoreske të Tenerife-s.
Icod de los Vinos është ndalesa e parë – një qytet i qetë e i bukur, i njohur për “Drago Milenario”, pema e famshme mijëvjeçare që konsiderohet simbol i jetës dhe forcës së ishullit.
Këtu mund të shijoni gjithashtu verërat lokale të prodhuara me rrush kanarian, si dhe një ndalesë për degustim të produkteve tipike (verë, djathë, reçel bananeje, etj.).
Më pas vizitojmë Garachico, një qytet bregdetar me shumë histori. Dikur ishte porti kryesor i Tenerife-s, por një shpërthim vullkanik në shekullin XVII mbuloi pjesën më të madhe të qytetit me lavë.
Sot Garachico është rindërtuar plot elegancë dhe ofron pishina natyrore prej guri vullkanik, rrugë të qeta dhe një atmosferë tipike kanariane.
Rruga vazhdon drejt Masca, një nga fshatrat më të bukur e më fotografuar të ishullit. I fshehur midis maleve të larta dhe kanioneve dramatike, Masca ofron pamje spektakolare dhe ndjesinë e një vendi të humbur në kohë.
Koha e lirë për foto dhe shëtitje në këtë parajsë të vogël.
Kthim në hotel në orët e pasdites, darka dhe mbremje e lire

Dita 4: 25 Mars – Santa Cruz de Tenerife

Kjo ditë do ti kushtohet vizitës në Santa Cruz de Tenerife, kryeqytetin modern dhe dinamik të ishullit.
Këtu do të përjetoni një atmosferë krejt tjetër – qyteti është i gjallë, plot ngjyra, tregje, kultura dhe arkitekturë bashkëkohore.
Ekskursioni fillon me Plaza de España, zemra e qytetit, e rrethuar nga ndërtesa elegante dhe një liqen artificial që pasqyron ndërtesat përreth.
Do të vazhdojmë me vizitën e Auditorio de Tenerife, një perlë arkitekturore që ngjan me krahët e një vale, vepër e Santiago Calatrava – një simbol modern i ishullit.
Vizitë e Tregut “Nuestra Señora de África”, ku aroma e erëzave, frutave dhe luleve tropikale krijon një përvojë të paharrueshme. Këtu mund të gjeni produkte lokale dhe suvenirë origjinalë.
Pas vizitës, kthim në hotel dhe pasdite e lirë për shopping ose për të shijuar plazhin.
Darka ne hotel

Dita 5: 26 Mars – Candelaria & Piramidat e Güímar – Nisja

Pas mëngjesit, bëhet check-out nga hoteli dhe nisja për një ditë të fundit plot mbresa.
Destinacioni i parë është Candelaria, një qytet bregdetar me rëndësi të madhe shpirtërore për popullin kanarian. Këtu ndodhet Bazilika e Zonjës së Candelaria, ku ruhet figura e Zonjës së Bekuar – patroneshë e Ishujve Kanarie. Në sheshin kryesor, do të shihni statujat monumentale të mbretërve guanxe, banorët e lashtë të ishullit, që ruajnë krenarinë dhe historinë lokale.
Më pas vizitojmë Piramidat e Güímar, një kompleks arkeologjik unik i përbërë nga gjashtë piramida të ndërtuara me gurë vullkanikë, të cilat kanë nxitur shumë mistere dhe teori mbi origjinën e tyre. Në muzeun e vendit do të mësoni më shumë për lidhjen e tyre me kulturat e lashta të botës dhe për eksploratorin norvegjez Thor Heyerdahl, i cili studioi këto struktura.
Pas vizitave, transferim drejt Aeroportit Reina Sofía për fluturimin e kthimit.


Përfshihen në paketë

• Fluturimi V/A Tiranë – Tenerife – Tiranë
• 4 netë Akomodim në Hotel 4*
• Mëngjeset dhe Darkat ne hotel
• Transporti me autobuz komod sipas itinerarit të përshkruar në program
• Guidë Lokale në Anglisht
• Shoqërues Shqiptar nga agjensia


Nuk përfshihen në paketë:

• Shpenzime personale
• Drekat
• Hyrjet qe nuk përmenden në program
• Bakshish per guiden dhe shoferin (rreth 5 euro/person/dite)