Marok - 8 Dite

Udhetim 8 dite ne Marok
===============
Nisja 27 Shtator 2026
Kthimi 04 Tetor 2026

Fluturimi Tirane - Marrakesh:
TIA 09.35 - IST 12.15 / IST 17.45 - RAK 20.45

Fluturimi Marrakesh - Tirane :
RAK 22.45 - IST 05.40 / IST 08.00 - TIA 08.45 (5 Tetor)

Hotelet:
MARRAKECH: Grand Plaza Hotel. DADES: Xaluca Dades Hotel, ERFOUD: Chergui Hotel, OUARZAZATE: Karam Palace Hotel

Çmimi: € 1850 / person

Marrakech • Atlas Mountains • Sahara Desert • Ouarzazate • Ait Ben Haddou

Udhetim ne Marok 8 ditë është një udhëtim i organizuar që ofron një eksperiencë të plotë. Vizite ne Marrakech, Luginen perrallore Ourika, një nga destinacionet më të bukura natyrore pranë Marrakech. Perjetoni eksperiencen autentike te fshatrave berbere dhe natyren spektakolare ne malet Atlas dhe qetesine magjike te shkretetires se Saharase. Nje kombinimin perfekt i kulturës, natyrës dhe aventurës. Ky tur është ideal për grupe që kërkojnë një eksperiencë autentike dhe të organizuar në Marok.

Dita 1: Mbërritja në Marrakech – Hyrje në atmosferën marokene

Pas mbërritjes në aeroportin ndërkombëtar të Marrakech, do të priteni nga përfaqësuesi lokal dhe do të transferoheni drejt hotelit për akomodim.

Darka dhe fjetje ne hotel.

Dita 2: Marrakech – Qyteti i Perandorëve dhe Magjia e Traditës

Pas mëngjesit, nis eksplorimi i Marrakech, një nga qytetet më të vjetra dhe më të rëndësishme të Marokut, i themeluar në shekullin XI dhe i njohur si “Perla e Jugut”. Ky qytet është një përzierje e jashtëzakonshme mes historisë, arkitekturës islame dhe jetës moderne.

Vizita fillon me Kopshtet Majorelle, një hapësirë e qetë me bimësi ekzotike, ngjyra intensive blu dhe një atmosferë relaksuese. Më pas vazhdohet me Pallatin Bahia, një kryevepër e arkitekturës tradicionale marokene, ku oborret e brendshme, mozaikët dhe detajet artistike tregojnë historinë e luksit oriental.

Programi vazhdon me Xhaminë Koutoubia, simbolin e qytetit, dhe Medersa Ben Youssef, një nga shkollat më të rëndësishme historike islame, e njohur për dekorimet e saj të detajuara dhe arkitekturën e rafinuar.

Pas drekës në hotel, pasditeja është e rezervuar për një përvojë të plotë në zemër të qytetit: shëtitje në souk-et tradicionale, ku rrugicat e ngushta janë të mbushura me artizanë lokalë, qilima të punuar me dorë, erëza aromatike dhe suvenire unike.

Dita përmbyllet në Sheshin Djemaa El Fna, një nga sheshet më të gjalla në botë, ku muzikantë, tregtarë, tregime popullore dhe aroma ushqimesh krijojnë një atmosferë të paharrueshme. Darkë dhe fjetje në hotel.

Dita 3: Ourika Valley – Një arratisje në natyrën berbere

Pas mëngjesit, nis një udhëtim relaksues drejt Luginës Ourika, një nga destinacionet më të bukura natyrore pranë Marrakech. Rruga ju çon përmes peizazheve malore dhe luginave të gjelbra, duke ofruar pamje të mrekullueshme të Atlasit të Lartë.

Gjatë rrugës do të kaloni pranë fshatrave tradicionale berbere, të ndërtuara me materiale natyrore, ku jeta vazhdon në mënyrë autentike dhe të pandryshuar ndër shekuj. Këtu do të keni mundësi të shihni nga afër kulturën lokale, mënyrën e jetesës dhe mikpritjen e banorëve.

Lugina është e njohur për lumin e saj të pastër, kopshtet e vogla dhe natyrën e paprekur, duke e bërë një vend ideal për relaks dhe fotografi. Në fund të ditës, kthim në Marrakech dhe kohë e lirë.

Dita 4: Marrakech – Atlas Mountains – Ait Ben Haddou – Dades

Pas mëngjesit, nis një nga udhëtimet më spektakolare të këtij programi. Rruga kalon përmes maleve Atlas, duke u ngjitur në kalimin e famshëm Tizi n’Tichka (2,260 m), ku pamjet panoramike të maleve dhe luginave janë thjesht mahnitëse.

Gjatë rrugës bëhet ndalesë për drekë në një restorant lokal, ku mund të shijoni kuzhinën tradicionale marokene në një ambient autentik malor.

Më pas vizitohet Ouarzazate, e njohur si qendra e kinemasë në Marok, ku ndodhen Atlas Film Studios, të përdorura në shumë filma ndërkombëtarë. Programi vazhdon me vizitën e Kasbah Amridil, një nga fortesat më të ruajtura që pasqyron jetën tradicionale të rajonit.

Në fund të ditës, rruga vazhdon drejt Luginës së Dades, një zonë me formacione shkëmbore dramatike dhe peizazhe natyrore unike. Darkë dhe fjetje në hotel.

Dita 5: Dades – Todra Gorge – Sahara Desert – Erfoud
Pas mëngjesit, udhëtimi vazhdon drejt lindjes, duke hyrë gradualisht në peizazhet e shkretëtirës. Gjatë rrugës kaloni përmes Luginës së Trëndafilave, e famshme për prodhimin e ujit të trëndafilit dhe festivalet tradicionale.

Ndalesa në Tinghir ofron pamje të oazeve të gjelbra që kontrastojnë me shkëmbinjtë përreth. Më pas vizitohet Gryka e Todrës, një kanion mbresëlënës me mure shkëmbore që arrijnë lartësi deri në 300 metra, i njohur për madhështinë e tij natyrore.

Pas drekës, rruga vazhdon drejt Erfoud, një qytet i lidhur ngushtë me shkretëtirën e Saharasë dhe oazet e Tafilaletit. Vizitohet edhe Rissani, një qytet historik që dikur ka qenë qendër e rëndësishme tregtare e karvaneve.

Në perëndim të diellit, përjetohet një nga momentet më magjike të udhëtimit: safari me 4×4 në dunat e Saharasë, ku rëra e artë ndryshon ngjyrë me dritën e diellit. Mundësia për shëtitje me deve e bën eksperiencën edhe më autentike (20 eur/person). Kthim në Erfoud për darkë dhe fjetje.

Dita 6: Erfoud – Rissani – Draa Valley – Ouarzazate
Pas mëngjesit, vizitohet Rissani, një qytet me rëndësi historike dhe shpirtërore, ku ndodhen rrënojat e lashta të Sijilmassa dhe kasbah-e tradicionale.

Rruga vazhdon përmes peizazheve të shkretëtirës në Alnif dhe Tazarine, me ndalesë për drekë të lirë. Më pas udhëtohet përgjatë Luginës Draa, e njohur për palmave të pafundme dhe oazet e gjelbra që shtrihen përgjatë lumit.

Gjatë rrugës bëhet ndalesë në Oazin Nkob, një fshat tipik berber me kasbah-e të vjetra. Në mbrëmje mbërritje në Ouarzazate, darkë dhe fjetje në hotel.

Dita 7: Ait Ben Haddou – Marrakech
Pas mëngjesit, vizitohet Ait Ben Haddou, një nga vendet më të famshme të Marokut dhe pjesë e Trashëgimisë Botërore të UNESCO-s. Ky ksar i lashtë është një shembull i jashtëzakonshëm i arkitekturës tradicionale prej balte dhe ka shërbyer si skenë për shumë filma të njohur ndërkombëtarë.
Do të shëtisni në rrugicat e tij të ngushta dhe do të keni mundësi të vizitoni një familje berbere që ruan ende stilin tradicional të jetesës.
Pas drekës gjatë rrugës, kthim në Marrakech për darkë dhe fjetje në hotel.

Dita 8: Kthimi ne Tirane
Pas mëngjesit do te shijoni nje dite te qete relaksuese ne Marrakesh deri ne oren 19.00 ku do te behet transferta për në aeroport per te marre fluturimin e kthimit per ne Tirane.

Ky udhëtim përmbyllet me kujtime të paharrueshme nga një eksperiencë që kombinon kulturën, natyrën dhe aventurën në mënyrë perfekte.
Included

✓ Fluturimi Vajtje - Ardhje Tirane - Marrakesh (me tranzit ne Stamboll)
✓ Bagazh i plote 20 kg
✓ 7 nete akomodim ne hotele me 4* sipas programit
✓ Mengjese dhe Darkat
✓ Transfertat dhe Ekskursionet e permendura ne program me autobuz
✓ Biletat e hyrjeve te monumenteve te permendura ne program
✓ Safari me 4x4 në Shkretetire
✓ Viza Marokene (150 euro per Pasaporat normale Shqiptare).
✓ Guide lokale ne Anglisht gjate gjithe udhetimit
✓ Shoqerues nga agjensia

Excluded

✕ Drekat
✕ Shpenzime personale
✕ Aktivitete shtese pervec atyre qe permenden ne program
✕ Bakshish per guiden dhe shoferin
✕ Shenim: Viza Marokene kushton 150 eur per person (e perfshire ne cmim). Procedura e marrjes se vizes zgjat min 3 jave dhe gjate kesaj periudhe pasaporta dergohet ne Ambasaden Marokene ne Rome.